GURE ESPERIENTZIA

Teknologia berrien inguruan bizi izan ditugun esperientziak nahiko paretsuak izan direla aitortu behar dugu, gure arteko adin tartea bost urtekoa izan arren.

Biontzat, ikastola izan zen abiapuntua, bertan gauzatu baizen gure lehenengo gerturaketa teknologia berriekin.

Egia da, esperientzia paretsuak izan ditugula, eta ezagututako aldaketak berdinak izan direla ere. Aldaketen artean, hauek izan dira gehien nabarmendu diren arloak: ikus-entzunezko sistemak, komunikatzeko sistemak eta ordenagailuak.

Ikus-entzunezko sistemei dagokienez esan, telebistaren garapena ezagutu izan dugula bai kolorearen inguruan baita tamainaren inguruan ere. Honen inguruan ere esan, urteetan zehar, kanal berrien agerpena ezagutu izan dugula, eta batez ere azkenaldian telebistaren digitalizazioa (TDT sistema) ezagutu dugula. Honekin batera esan, “erreprodukziorako” sistemak ere asko aldatu izan direla urteetan zehar. Horrela, ikusi izan dugu nola DVD-ak garai bateko VHS-a ordezkatu duen. Arlo honetan ere, musika entzuteko formatuen aldaketa ezagutu dugu. Garai bateko “viniloa” zintari utzi zion lekua; era berean, azken honek CD-ari eman zion testigua eta gaur egun, MP3 – MP4 sistemak aurreko formatu guztiak “jokoz kanpo” uzten ari dira.

Erreprodukziorako sistemen aldaketak aipatu ditugula, esan, ordenagailuen munduan ere aldaketa hau ezagutu izan dugula, hau da, gaur egungo CD-ak garaiko disketeei lekua kendu die.
Teknologiaz ari garela, zer esan gure bizitzan zehar jasandako komunikabideen aldaketez. Garai bateko telefono arruntetatik mugikorrera pasa gara eta egia esan, jada edonork honelako gailu bat darama gainean. Baita ere, internet sarea iraultza itzela suposatu du eta honi esker bai hedatu direla komunikatzeko aukera desberdinak (web-cam, Messenger, korreo elektronikoa, bideo konferentziak,…).

Aurrerapen guzti hauek garatu izan dira eta, garatzen dira euren funtzionamendua zein mugikortasuna errazteko eta askoz erosoagoa izan dadin.

Teknologi hauen erabilpenari dagokionean, gehien erabiltzen duguna ordenagailua da dudarik gabe, izan ere, honetaz baliatzen baikara lanak egiteko, musika edota pelikulak jaisteko, interneten aritzeko edota “messenger”-retik komunikatzeko.

Komunikatzeko sistemei dagokionez (telefono arruntei edo mugikorrei dagokienez), argi esan behar dugu ez garela haien oso zale amorratuak. Egia da mugikorra dugula, baina telefonoz aritzea ez zaigu gehiegi gustatzen.

Bukatzeko, gehien erabiltzen dugun teknologia ordenagailua izanik, aitortu behar dugu beste ikus-entzunezko sistemak ere egunero erabiltzen ditugula, hala nola, MP4-a eta telebista.