CREENA 2008

CREENA 2008

Aztertuko dugun CD-a “CREENA 2008” izango da. Aste bete pasa ondoren CD hau aztertzen, ikusi izan dugu honelako irizpideak betetzen dituela programa multimedia honek:

· Programa honek, efikazia maila handia duela uste dugu, izan ere, proposatzen dituen helburuak lortzeko erraztasuna eskaintzen baitu.

· Multimediako programa hau, erabiltzeko erraztasun handia ematen digu, beraz, oso atsegina egiten da honekin lan egitea. Gainera, erabilgarritasun handi honi esker, ez dugu denbora pasa behar informazio manualak eta horrelako irakurtzen.


· Aztertzen ari garen programa honek, egoera desberdinei moldatzeko gaitasuna duela ikusi izan dugu, hau da, testuinguru desberdinetan landu daiteke (informatikako gelan, ikasgela arruntean, etxean, …), indibidualki zein taldeka erabili daiteke, formakuntza testuinguru desberdinetan ere erabilgarria gerta daiteke ( formakuntza behar edo erabiltzailearen formakuntza mailaren arabera), …

· Programa honek eskaintzen dizkigun ikus-entzunezko ahalbideei dagokienez esan, oso zabalak direla, izan ere, azalpen erakargarriaz gain, diseinu argi bat eta elementu desberdinen estetika (tituluak, testuak, botoiak, irudiak, …) egokia eskaintzen baitigu.

· Multimediako CD honetan agertzen diren elementuen inguruan esan genezake, nahiko kantitate eta kalitate handikoak direla, hau da, grafikoak, irudiak, animazioak eta abarrekoak egokiak direla iruditzen zaigu.


· CD honetan goraipatu genezakeen alderdi bat, interakzioa litzateke. Gure ustez, oso egokia da programa honek dituen galdeketa sistemak, akzio eta erantzun sistemak, eta abar. Gainera, interakzioaren barruan azpimarratuko genuke, teklatuaren erabilpena bultzatzen duela (adibidez, akats ortografikoak zuzentzeko).

· Programa honek, didaktikotasun handia duela uste dugu. Gainera, didaktikotasuna bultzatzen duela uste dugu, izan ere, gai batetara heltzeko aurretik adibideak azaltzen baitira, eskemak ager baitaitezke, laburpenak baitaude, gai bakoitzari egokitutako galderak agertzen baitira, …


· Gure ustez, argi utzi behar da, programa honek autoaprendizaia eta formakuntzarako iniziatiba lantzen dituela, izan ere, erabiltzaileak aukera baitu nahi duen gaia lantzeko eta gai horietan zailtasun maila aukeratzeko era badu. Hortaz, euren helburuak finkatu ondoren, eurek, haurrek, aukeratu dezakete zein gai landu eta zein mailatan.

Beraz, irizpide hauek aztertuta, esan genezake multimediako programa honek egokitasun handia eskaini diezaiekeela edonolako erabiltzaileei. Hala ere, alderdi batzuetan akatsak nabari izan ditugu, adibidez:

1. CD-ko jolas edo programa asko lantzeko aukera ez dagoela ordenagailuaren egokitzapenak eskasak direlako.

2. Multimediako programa honek eskaintzen dituen joko batzuetan bi kideen arteko lehiakortasuna (txapelketa formatuan) bultzatzen du. Gure ustez, ekintza hauek ez lukete lehiakortasuna sustatu behar, elkarlana baizik. Egia da ere, oso joko gutxietan planteatzen dela bi kideen arteko lehiakortasuna, baina hauek ekiditen balira kideen (haurren) arteko elkarlana areagotuko zen lehiakortasuna alde batetara utziaz.


3. Nabari izan dugun beste akatsetako bat, hizkuntzarekin bat dator. Gure iritziz, multimediako programa honek euskarari bere lekua ere eskaini beharko lioke, izan ere, programa honen erabiltzaileak euskara izan bailezakete ama hizkuntza bezala.

4. Multimediako programa honetan topatu dugun beste akats bat, egoera desberdinetan aurkitzen diren erabiltzaileei iristeko zailtasun handia da, hau da, nola landuko lituzke programa hauek ikus edo entzunezko arazoak lituzkeen erabiltzaileak?

ENSEÑANZA EN EL 2025

Irakurritako testuak teknologia berriek zer nolako impaktua izan duten oso era sinplean adierazten digu. Horretarako, bi irakasleen arteko solasaldian barneratzen gaitu.



Testuak, primeran bideratzen gaitu historian zehar esperientziadun irakaslearen azalpenak direla medio.



Oso modu egokian azaltzen zaigu zer nolako aldaketak bizi izan dituen, zer nolako aurrerapenak suposatu dituen, beldurrak, ikasketa beharrak, adaptazio beharra, ... e.a. Azkenean, iraultza baten partaide izan dela kontatzen du irakasleak eta besteak adi jarraitzen dio.



Testu honek gauza asko planteatzen dizkigu eta, haien artean, gure etorkizuna. Gaur egun "gizarte teknologiko" batean bizi gara, aldaketa ugarirekin oso denbora gutxian; eta, nola ez, testu hau irakutzeak, gure etorkizunaz kezkatzeko eta arduratzeko balio izan digu. Ze azken finean, nola egingo diogu ba aurre hezkuntzaren aldaketen etorkizuneko irakasleok?



Ez da batere erraza galdera honi erantzutea; gaur egun formakuntza zehatzagoa eskatzen zaigu eta, egia esan, ona da eskakizun horrek, gero gure etorkizuneko ikasleetan eragina izango duela suposatzen edo espero baita.



Guzti hau ikusita, bukatu behar dugu hau esanez: Gure etorkizunari aurre egin behar diogula aukera guztiak kontutan edukiz; hau da, teknologia berriek eskaintzen dizkiguten onura guztiak barneratuz eta, noski, "hezkuntza tradizionalak" utzitako ondarea baztertu gabe.